Viru kuerzer Zäit ass e Wëllefche bei eis um Eecherfeld spazéiert. Du gesäit hien um Rand vun engem Bësch e Feierche brennen. Dobäi stoung een, dee mam Bengelchen am Feier gestëppelt huet.

De Wëllefchen huet du gefrot, wien hie wuel wär a krut dunn dës Äntwert:

Moien!

Ech sinn e Biber a sinn op der Sich no enger neier Biberfamill. Op menger Sich huet et mech elo op Beggen/Weimeschkierch verschloen, wou ech de Serge, Akela bei de Wëllef, kennegeléiert hunn. Spontan huet hie sech bereet erkläert fir mir ze hëllefen, andeems hie mat mir nei Bibere sicht a mir sou zesummen eng nei Famill kënne ginn.

De Wëllefchen huet dat eng flott Saach fonnt an huet nogefrot, wat een dann elo misst wëssen, wann een do derbäi wëllt sinn. Hien huet dat du séier opgeschriwwen:

·         Jidder Kand, dat am 1. oder 2. Schouljoer ass, kann e Biber ginn.

·         D’Biberfamill huet hire Bau an de Wanterméint zu Weimeschkierch an am Summer zu Beggen um Eecherfeld.

·         Si trëfft sech während der Schoulzäit all Samschdes vun 9.30 bis 11.30 Auer. Virun an an der Vakanz ass keen Treffen!!! à Dat éischt Treffe fënnt am September no der grousser Vakanz statt.

·         De Biber soll am beschten al Kleeder unhunn an dem Wieder entspriechend gekleed sinn. Schliisslech muss ee jo net ëmmer déi ganzen Zäit am Biberbau sëtzen.

·         Nieft de Versammlunge si Sortien, Weekender an e Camp.

·         Fir d’Aschreiwung oder wann nach Froe sinn, da fäert net, iech beim Serge per Mail ze mellen:

  oder klickt hei

Eng kuerz Erklärung zum Stellewäert vun de Biber an de Lëtzebuerger Guiden a Scouten:

D’Biberfamill ass dofir do, fir datt d’Kand villes iwwert d’Liewen am Grupp léiert, wou ee fir deen aneren do soll sinn. Et ass wichteg, datt een deen aneren, an awer och d’ Ëmwelt an d’Natur ronderëm sech, mat Respekt behandelt.

A Form vun der Geschicht, dem Kniwwel an dem Spill, versiche mir déi jonk Biber fir d’Welt ze begeeschteren an se dobäi och bei hirer positiver Astellung zum Liewen ze ënnerstëtzen.

An de Versammlunge kréie si d’Geleeënheet hier Fäegkeeten an Talenter eranzebréngen. Natierlech ass do villes net perfekt. Dat ass och gutt esou, well et musse keng Konschtwierker entstoen. Am Vierdergrond steet virun allem de Spaass. Sou och bei de Spiller, wou si sech aktiv an experimentéiert mat hirer Ëmwelt sollen ausernee setze kënnen.